1"А" сыныбының ата -аналарына арналған " Баланың бас ұстазы-ата -ана" атты ата-аналар жиналысы өтті.

Алатау ауданы N196 жалпы білім беретін мектептің 1"А" сыныбының ата -аналарына арналған " Баланың бас ұстазы-ата -ана" атты ата-аналар жиналысы өтті. Жиналыстың мақсаты:

Ата - ананың өмірге деген көзқарасын өзгерту, ата - аналарды балаларға жауапкершілікпен қарауға шақыру.

Баланың бүгінгі істеген қадамы ертеңгі тұлға ретінде қалыптасуына үлкен әсер ететінін атап өту.

Міндеті:

Балаларды адамгершілікке тәрбиелеудегі ата - ананың жауапкершілігі.

Алдағы уақытта оқушыларды тәрбиелеуде мұғалім мен ата - ананың бірігіп жұмыс жасауы.Бала тәрбиесі – бір отбасының ғана емес, бүкіл қоғамның мемлекеттік абыройлы міндеті. Кезінде Әл Фараби бабамыз «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» - деген. Осыған орай, бүкіл ата - ана тәрбиеге бет бұруы керек. Ұрпақ тәрбиесіне мүдделі екендігін ата - аналар іс - жүзінде дәлелдеп отырулары тиіс. Міне, осындай ынтымақ бірлігінде ғана ойдағыдай нәтиже берері ақиқат.

Ата-аналар жиналысына директордың оқу ісі жөніндегі орынбасары А.Б.Шаменова және директордың тәрбие ісі жөніндегі орынбасары К.Р Джанузакова қатысып, ата-аналар қойған сұрақтарға  жауап берді. 

Ұйымдастырушы сынып жетекшісі Н.Б Акназарова