«Қазақстан халық жазушысы Шерхан Мұртаза – 90 жаста» атты дөңгелек үстел өтті.

9- сынып оқушылары арасында  «Қазақстан  халық  жазушысы  Шерхан  Мұртаза – 90 жаста»  атты дөңгелек үстел өтті. 

Мақсаты:  Қазақстан  халық  жазушысы  Шерхан  Мұртаза  өмірі  мен шығармашылығы  жөнінде  түсінік  беру, оқырманды  кітап оқуға  ынтасын арттыру, сөз өнерінің  қыр сырымен  таныстыру.

    Мектеп  кітапханасында өткен дөңгелек үстел Қазақстан  халық  жазушысы  Шерхан  Мұртаза  өмірі мен  шығармашылығына  арналды. Оқушыларға  жазушының  шығармашылығы  жөнінде  қысқаша  мағлұмат  айтылды. Мылтықсыз  майданның  батыры  атанған  Шерхан  Мұртазаның  талайды  таңдандырған  шығармаларынан  шындықтың  шынайы  жүзін  көруге  болады.

Көрмеге төмендегі кітаптар пайдаланылды:

1. «Ай мен Айша»  Шерхан Мұртаза 

2. «Мылтықсыз майдан» Шерхан Мұртаза

3.«Соғыстың соңғы жесірі» Шерхан Мұртаза

4.  Шерхан Мұртаза туралы  басылымдары

Барлығы - 22 кітап, кітапша пайдаланылды.

Қорытынды: Шерхан  Мұртазаның  шығармалары күрделі емес - қарапайым,  ойдан шығарылмаған, өмірден  алынған. Қаламгер  оқырманнан  ештеңе  жасырмай, бір дәуірдің  трагедиясын  қаз қалпында  суреттеп, тайға таңба  басқандай ашып  көрсетеді.Балалар  Шерхан  Мұртазаның  шығармалары  арқылы  тәрбие, өнеге  алды  деп  ойлаймын. Оқушы  қауым  көрмедегі  кітаптарды, журналдарды оқуға  алды. 

Кітапханашы                                   Бейсебекова М.С.